Pezullimi i linjës Brindizi-Sarandë, autoriteti portual nuk lejon median të filmojë
Pak ditë më parë u njoftua mbyllja e linjës së trageteve Brindizi –Sarandë, një mundësi e mirë kjo për qytetin jugor që mbahet kryesisht nga të ardhurat e turizmit. Arsyeja që jepej nga Ministria e Transporteve ishte se leja duhet të ishte vjetore, ndonëse ishte po kjo ministri e drejtuar nga i famshmi i kësaj vere, Edmond Haxhinasto, që hapi rrugën për vendosjen e linjës. Sot televizioni lokal “Saranda web” që pasqyroi lajmin ka kërkuar të bëjë filmime në portin e Sarandës, por administrata e portit nuk ka pranuar të lejojë ekipin e xhirimit. Arsyeja? Asnjë arsye, thjesht mund të hamendësohet. E qartë është se anulimi i një lejeje nga ministria që tri ditë më parë e ka dhënë atë po vetë, vetëm mbi kritere ligjore nuk bëhet, por në emër të interesave që luajnë ministrin dhe ministrinë.
Add new comment