Kryeministri i 2017-ës: Rama, Basha apo…Meta?

Postuar në 25 Korrik, 2016 22:56
Eduard Zaloshnja

Në ato që shkruajnë e flasin këto ditë njerëzit pranë PD-së, ndjehet një ngazëllim nga fakti që në ditët e fundit të kalvarit të reformës në drejtësi, Meta ishte vendimtar për miratimin e saj jo me 94 vota, por me 140. Ngazëllimi i tyre nuk ka të bëjë ndoshta aspak me mënyrën sesi u votua kjo reformë, por ka të bëjë me mesazhin që u duket se ka dhënë Meta në lidhje me zgjedhjet e ardhshme.

Në qoftë se reforma do të ishte miratuar me 94 vota (pa votat zyrtare te opozitës), Meta do të ishte i detyruar ta vazhdonte martesën politike të vëshitrë me Ramën edhe në zgjedhjet e ardhshme – opozita do të ishte damkosur si antieuroamerikane dhe nuk do të ishte në gjendje të merrte në zgjedhjet e ardhshme as 400 mijë vota. Dhe një bashkim i 200 e ca mijë votave të LSI-së me 400 mijë votat e opozitës thjesht do ta rikthente Metën në vitin 2005…

Këmbëngulja e Metës për ta miratuar reformën me 140 vota, edhe përkundrjet thirrjes më të fundit të qeverisë amerikane për ta votuar individualisht reformën, me minimumin e domosdoshëm për miratim (94 vota), e shpëtoi opozitën nga damkosja si antieuroamerikane. Ndërkohë, Metës i hapi mundësinë që të zgjedhë se me kë mund të bëjë koalicion para apo pas zgjedhjeve të ardhshme.

Duke u kthyer te ngazëllimi i njerëzve pranë PD-së, ata kanë një vështrim dypolar në lidhje me parashikimin për kryeministrin e 2017-ës; në atë post shohin ose Bashën, ose Ramën. Sipas tyre, roli i Metës do të vazhdojë të jetë ai që ka luajtur qysh kur u largua nga karrigia e kryeministrit – të përcaktojë se kush do të jetë ne postin e kryeministrit te rradhës (Berisha apo Nano më 2005, Berisha apo Rama më 2009, Rama apo Berisha më 2013). Ndërsa Metës i paracaktojnë postin e presidentit të republikës.

Por Meta duket se nuk është gati të luajë një rol ku nuk mund të lërë as nam e as nishan. Pavarësisht se duket i madh në moshë, ai është vetëm 47 vjeç (moshë e re për të dalë në pension në presidencë) dhe plot energji – kur ia ka dashur puna ta kalojë kufirin e motos “me qetësi e dashuri”, i ka treguar dhëmbët. Mobilizimi i tij dhe i gjithë LSI-se për të marrë 260 mijë vota në zgjedhjet lokale, tregoi se Meta synon më tepër se postin pensionist të Nishanit.

Kur te zhvillohen zgjedhjet, PD-istët e ngazëllyer aktualisht nga Meta mund të ndodhen para një të papriture – pasi LSI dhe disa parti të vogla, te bashkuara ne nje pol qendre, te kene marre rreth 300 mijë vota, mund t’i kërkojnë secilës prej partive të mëdha që kryeministër të jetë Meta. Përndryshe, mund t’ia kërkojnë të njëjtën gjë tjetrës…

Comments

Submitted by Albi_I (not verified) on

E keqja me e vogel ka qene moto e votimeve ne Shqiperi. Dhe e keqe me e vogel eshte ai qe ka me pak pushtet sepse ben me pak dem. Keshtu qe pse jo te mos mendoje dhe Meta se mund t'ia arrije. Nuk eshte hic fare me shume hajdut e kriminel se Basha apo Rama gjithsesi.

Submitted by HIMARIOTI PATRIOT (not verified) on

Edhe per 16 vjet, mbas vitit 2017, kryeminister i Shqiperise, do te jete EDI RAMA.
Te tjeret, jane fisheke manovre ne karikator te automatikut.
Te tjeret, jane si fishekzjarre, qe bejne zhurme e xixa, por qe te hane m . . .

Submitted by Plaku Xhuxhumaku (not verified) on

Or ti mender Himarioti Patriot, qe je i njejti koqe qe diku del si Plaku jo mak mak, kjo nuk do shume mend te kuptohet. Qe je edhe nje zagar i paguar nga zyrat e KryeCarit te Shqiperise, edhe kjo nuk do shume mend qe te kuptohet. Qe te kane ngarkuar edhe qe te ndotesh komentet e ResPublicas me pordhet e tua per Edvin KryeCarin edhe kjo kuptohet, me nje fjale je komplet i dekonspiruar. Shko lutju Endri Fuges te caktoje ndonje palavoz tjeter per kete pune, dmth ndonje qe kur ndryshon nickun te duket sikur me te vertete eshte njeri tjeter. Une vertet jam plak, fizikisht i pamundur dhe menderisht i rrjedhur, sic fantazon ti, po ti qeke nje soj buzequmeshti per te cilin babi i paska harxhuar parate kot me te dhene ndonje cope shkolle.

Add new comment

Plain text

  • No HTML tags allowed.
  • Web page addresses and e-mail addresses turn into links automatically.
  • Lines and paragraphs break automatically.