Katër batalione të NATO-s do të zhvendosen në Poloni dhe vendet balltike

NATO do të zhvendosë katër batalione të fuqishme në Poloni dhe vendet baltike dhe Polonia, në përgjigje të veprimeve të Rusisë në Ukrainë. "Ne jemi dakord për të zhvilluar, me rotacion, katër batalione shumëkombëshe të fortë në vendet baltike dhe Poloni. Ky veprim do të dërgojë një mesazh të qartë se NATO është e gatshme për të mbështetur të gjithë aleatët e saj në rast të një agresionit të jashtëm”- tha sekretari i Përgjithshëm i NATO-s, Jens Stoltenberg, duke paraqitur programin e takimit të ministrave të mbrojtjes të Aleancës që do të mbahet të martën dhe të mërkurën në Bruksel.

Ky zhvillim vjen në kuadrin e masave të marra që nga fillimi i krizës së Ukrainës në pranverën e vitit 2014, për të rritur përgjegjshmërinë e ushtrive aleate dhe mbështetjen e vendeve anëtare të NATO-s që ndajnë një kufi të përbashkët me Rusinë. "Nuk ka dyshim se kjo që bëjmë  është një përgjigje ndaj veprimeve të Rusisë në Krime dhe në Ukrainë, ku vendet perëndimore akuzojnë Moskën se mbështet separatistët rebelët. Nuk ka asnjë vendim konkret për periudhën gjatë së cilës katër batalionet do të qëndrojnë në shtetet baltike dhe Poloninë" theksoi Stoltenberg.

Ai shtoi senë vitin 2016  shtetet anëtare të NATO-s do të rrisin shpenzimet e tyre totale të mbrojtjes me 1.5% ose tre miliardë dollarë amerikanë. Kryetarët e shteteve dhe qeverive do të takohen më 8 dhe 9 korrik në Varshavë ku pritet të miratojë planin për vendosjen e këtyre forcave dhe të njoftojnë të gjitha detajet operacionale.