Të gjithë e dinin për fabrikën e Gërdecit. Procesverbali i mbledhjes së qeverisë më 2007, zbulon se Berisha kishte dijeni të plotë

Postuar në 15 Mars, 2016 18:27

Gazeta “Tema” publikon sot faksimile të mbledhjes së qeverisë të datës 17 shkurt 2007, ku përcillet diskutimi për miratimin e një VKM-je për kontratën e demontimit të muncioneve në Gërdec. Në procesverbal bie në sy kundërshtimi i ish-ministrit të Financave Ridvan Bode, qëndrimi kërkues pro kontratës i ish-ministrit të Mbrojtjes, Fatmir Mediu dhe qëndrimi i kujdesshëm i ish-kryeministrit Sali Berisha. Bode ka kërkuar tender dhe jo lidhje direkte të kontratës, ish-ministri i Drejtësisë Ilir Rusmali, që kundërshton disa praktika që synohen të vihen në punë nga Berisha. Materiali ka interes, pasi zbulon se fabrika e Gërdecit është iniciuar në nivelin më të lartë politik dhe e nxjerr zbuluar ish-kryeministrin Sali Berisha, i cili pas shpërthimit të 15 marsit 2008, deklaroi se “hera e parë që dëgjova për Gërdecin ishte kur ndodhi shpërthimi”. Kjo vështirë të mbrohet më si tezë, qoftë edhe duke lexuar se ngritja e fabrikës nga Fatmir Mediu justifikohet me detyrimet e demontimit që burojnë nga angazhimi për anëtarësim në NATO. VKM-ja nuk u miratua, por duket se u gjetën rrugë të tjera, të cilat shmangën kriteret e sigurisë dhe çuan aty ku çuan. 

Add new comment

Plain text

  • No HTML tags allowed.
  • Web page addresses and e-mail addresses turn into links automatically.
  • Lines and paragraphs break automatically.