Padi Bashkisë së Tiranës për ndërtimin te Liqeni: "Mungon masterplani i Parkut"

Postuar në 16 Shkurt, 2016 19:50

Disa qytetarë kanë protestuar sot kundër ndërtimeve te Parku i Liqenit në Tiranë. pas këtij akti është depozituar edhe një padi penale, që zbardhet nga portali "lapsi.al". Meqenëse lidhet me nje çështje të ndjeshme po e përcjellim të plotë: 

Objekti:1 - Marjen para përgjegjësisë penale të Bashkisë Tiranë pasi në datën 13.02.2016 ka shkatërruar pronën  publike nëpërmjet prerjes së pemëve në një zonë që ka një status mbrojtje sic është Parku i Liqenit Artificial në hyrjen perendimore pranë digës. Investitori Bolles+Willson  është përsoni i kontraktuar  nga Bashkia Tiranë me projektin pilot që mban datën  25.09.2015. Kjo zonë mbasi është rrethuar më një rrjet, më pas i janë prerë disa pemë që i shërbejnë Parkut të Liqenit Artificial Tiranë që bie në kundërshtim me shkresën e Fondit të Zhvillimit i cili përcakton se projekti nuk duhet të  presë asnjë pemë.

2- Kemi të bëjmë më një projekt që prish dhe zhbalancon ekostistemin e zonës nëpërmjet prerjes së pemëve dhe punimeve në tokë pasi do të këtë masa të mëdha betoni betoni. Ky projekt nuk mund të bëhet pa u bërë masterplani i Parkut të Liqenit Artificial dhe  Plani i Përgjithshëm i Tiranës, pasi është i vetmi Park në një qytet prej 1milion banorësh dhë i një rëndësie të veçantë.

Mendojmë se kemi të bëjmë më shkatërrim të pronës publike neni 150, nëpërmjet prerjes së pemëve dhe drurëve dekorative, përkatësisht neni 205 dhe 206 i Kodit Penal, si dhe shpërdorim të detyrës  neni 248 KP, jo vetëm nga Bashkia Tiranë por edhe palët e nënkontraktuara nga ajo në mënyrë aktive me dashje të drejtpërdrejtë". 

Kjo është padia e dytë pas asaj ndaj kryetarit të Bashkisë, Erjon Veliaj, që akuzohet për fallsifikim. 

Add new comment

Plain text

  • No HTML tags allowed.
  • Web page addresses and e-mail addresses turn into links automatically.
  • Lines and paragraphs break automatically.