Prognoza e Nishanit për zhvillimet në Shqipëri: "Do ushtojnë prapë thirrjet liri, demokraci". Në emër të qeverisë përgjigjet ambasadori Hoffman

Postuar në 06 Nëntor, 2015 11:42

Presidenti Nishani parashikon një përsëritje të "revolucionit demokratik" të viteve 90' nëse politika do të ecë në shinat që ka ndërtuar në këto 25 vjet dhe sidomos në vitet e fundit. Më tepër sesa një parashikim për zhvillimet politike, kjo deklaratë e Nishanit është një tjetër shërbim për ish-shefin e tij Sali Berisha që pak ditë më parë bëri thirrje për një revolucion demokratik për të përmbysur qeverinë Rama-Meta.
"Nëse duam që ky vend të bëhet, nëse duam të njohim historinë tonë dhe nuk nxjerrim mësime nga gabimet e së kaluarës dhe nuk mbledhim mendjen që klasa politike të jetë në devotshmëri të popullit atëherë thirrjet për liri dhe demokraci do të ushtojnë"-deklaroi Nishani në një takim me studentët. I kudondodhuri ambasadori gjerman që të kujton zellshmërinë e ambasadorëve amerikanë, Arvizu e Uithers për të qenë të pranishëm në çdo aktivitet është kundërpërgjigjur në të njëjtin takim, duke mbështetur veprimet e qeverisë oër ndërtimin e bunkerit në oborrin e Ministrisë së Mbrojtjes.
"Propozimet e bëra nga të burgosurit politikë për të patur vende në kujtim të diktaturës siç është burgu i Spaçit nuk janë dëgjuar shumë. Lidhur me bunkerin në Ministrinë e Brendshme, të cilat janë dëshmi e së kaluarës mendoj se dyshimet se ka një nostalgji për të kaluarën në Shqipëri nuk i kam kuptuar. trajtimi i së kaluarës komuniste duhet të shihet i shkëputur nga akuzat politike"-theksoi Hoffman që po përpiqet ta vendosë veten në pozitat e një aktori të rëndësishëm politik, meqënëse përfaqëson Gjermaninë e fortë të Europës dhe kancelares Merkel.

Add new comment

Plain text

  • No HTML tags allowed.
  • Web page addresses and e-mail addresses turn into links automatically.
  • Lines and paragraphs break automatically.