Policia pengon hetimet e Avokatit të Popullit për dhunë ndaj studentëve

Postuar në 02 Nëntor, 2015 19:15

Policia i ka dhënë të tjera përmasa incidentit të studentëve me kryeministrin Rama. Shqetësimi vjen nga zyra e Avokatit të Popullit që ka nisur paralelisht hetimet si për dhunën e policisë ndaj studentëve, por edhe për pengimin e inspektorëve për të kryer hetimet. Në njoftimin e Avokatit të Popullit thuhet se: "Avokati i Popullit pas sinjalizimeve për ushtrim dhune ndaj disa studentëve nga policia, të cilët u përfshinë në një incident me kryeministrin, nisi menjëherë investigimin e këtij rasti të denoncuar. Por përfaqësueset e Avokatit të Popullit fillimisht u penguan të kryejnë detyrën e tyre kushtetuese, duke mos u lejuar të hyjnë në ambientet e Drejtorisë së Policisë. Pas qëndrimit tonë, të bërë publik edhe në media, në ambientet e Drejtorisë së Policisë u lejua të hyjë vetëm njëra nga ekspertet e Avokatit të Popullit. Për këtë arsye institucioni ynë ka nisur një tjetër hetim për të zbuluar personat dhe shkaqet e ndalimit të ekspertëve të Avokatit të Popullit për të kryer detyrën e tyre kushtetuese, atë të verifikimit nëse ndaj studentëve është ushtruar dhunë ose jo. E ritheksojmë se askush nuk duhet të pengoj punën e Avokatit të Popullit dhe zbatimin e kompetencave të tij kushtetuese, duke shkelur ligjet e Republikës së Shqipërisë dhe Konventat Ndërkombëtare. I bëjmë thirrje titullarëve të policisë që qëndrime të tilla të mos ndodhin më në të ardhmen"-përfundin deklarata.

Add new comment

Plain text

  • No HTML tags allowed.
  • Web page addresses and e-mail addresses turn into links automatically.
  • Lines and paragraphs break automatically.