Supermikroskopi, përfitohen pamje me rezolucion të lartë

Në fushën e teknologjisë me ritme shpejtë janë zhvilluar edhe mikroskopët. Hapi i fundit në këtë fushë është bërë nga shkencëtarët luksemburgas. Grupi hulumtues ka arritur të përsosë një mikroskop, që bën të dukshme nga syri i njeriut edhe objekte 100.000 herë më të vogla sesa trashësia e një fije floku. Falë kësaj metode, hulumtuesit mund të përfitojnë pamje me rezolucion të lartë edhe për hapësira mijëra herë më të vogla sesa një e mijta e milimetrit. Teknologjia në fjalë garanton ndjekjen me lehtësi të efekteve të substancave farmaceutike në qeliza dhe të shampove në flokët e njeriut. Ky lloj mikroskopi do të luajë një rol të rëndësishëm në zhvillimin e barnave të reja dhe do të lehtësojë kërkimet shkencore në shumë fusha, sidomos në kozmetikë dhe industrinë farmaceutike.