Koreja e Veriut, një paradë madhështore ushtarake me rastin e 70-vjetorit të partisë unike (foto)

"Associated Press” raporton për një paradë madhështore ushtarake që filloi sot në Phenian, me rastin e 70-vjetorit të partisë unike të Koresë së Veriut. Parada ka nisur me pjesëmarrjen e numrit një në vend, Kim Jong-Un, sipas imazheve të transmetuara drejtpërdrejt nga televizioni. Me një kostum të errët me jakë Mao, drejtuesi koreano-verior u përshëndet nga komandanti i rojës së nderit para se të kalonte nën vështrimin e mijëra ushtarëve që merrnin pjesë në paradë, sipas imazheve të stacionit zyrtar televiziv në vend, një prej më hermetikëve në botë. Ndërtesat përreth ishin zbukuruar me flamujt e partisë komunist, çekiç dhe drapër në sfondin e kuq dhe flamuri blu, i bardhë dhe i kuq i Koresë së Veriut.