Gjenerali Igor Konachenkov: Moska gati të bashkëpunojë me Pentagonin për bombardimet në Siri

Rusia mund të aplikojë propozimet amerikane që kanë për synim koordinimin e sulmeve ajrore në Siri bashkë me ato të koalicionit të drejtuar nga SHBA-ja. Sipas AFP këtë njoftim e ka bërë sot zëdhënësi i Ministrisë ruse të Mbrojtjes, gjenerali Igor Konachenkov. “Ministria ruse e Mbrojtjes iu përgjigj kërkesave të Pentagonit dhe shqyrtoi thellësisht propozimet amerikane mbi koordinimin e operacioneve në luftën kundër grupit terrorist Shteti Islamik në territor sirian”, tha ai, i cituar nga agjencitë ruse të medias. Përgjegjës amerikanë dhe rusë kishin biseduar javën e kaluar, me kërkesë të Rusisë, mbi mënyrat si të evitohen të gjitha incidentet e mundshme në qiejt e Sirisë. “Ne thjesht po përpiqemi të qartësojmë nga ana jonë disa detaje teknike që do të analizohen sot mes ekspertëve të Ministrisë ruse të Mbrojtjes dhe Pentagonit”, shtoi gjenerali.