BE masa kundër trafikantëve, 6 luftanije patrullojnë në Mesdhe

Një operacion i koduar “Sofia”, ka nisur me patrullimin e 6 luftanijeve në Mesdhe. Objektivi është kapja dhe ndalimi i varkave të trafikantëve të refugjatëve. Anijet e bllokut kanë të drejtën të afrohen, të kontrollojnë e të sekuestrojnë mjetet e dyshimta. Deri më tani, fokusi i Bashkimit Europian kanë qenë operacionet e mbikëqyrjes e ato të shpëtimit, por duket se, më në fund, vëmendja po spostohet edhe te trafikantët. Mbi 130 mijë emigrantë dhe refugjatë kanë kaluar në Europë këtë vit, nga brigjet e Afrikës Veriore. 2.700 prej tyre janë mbytur në ujërat e Mesdheut.