Zbulimi i jetës në Mars përkon me filmin e Ridley Scott “The Martian”. Regjisori: “U njoha dy muaj më parë me zbulimin, por ishte vonë”

Ridley Scott u njoh me fotografitë e NASA-s që provonin se kishte ujë të rrjedhshëm në Mars dy muaj më parë. I përfshirë në realizimin e filmit “The Martian”, Scott thotë se pavarësisht kësaj, ishte shumë vonë që zbulimi të përfshihej në film. Gjithsesi ka patur një bashkëpunim mes agjencisë dhe regjisorit të njohur i cili ka realizuar një film që flet pikërisht për misionin e njeriut në planetin e kuq. Mbijetesën aty ku ndërthuret arti me të dhëna shkencore. “Nëse ky informacion do të ishte bërë i njohur më parë, atëherë Matt Damon do të gërmonte që të gjente akulli nën sipërgfaqen e plantetit”, shprehet Scott, referuar personazhit kryesor të “The Martian” që i duhet të mbijetojë në filmin që pritet të shfaqet së shpejti. Më poshtë spoti publicitar i filmit: