Ndërron jetë Tonin Tërshana, këngëtari nuk arrin të gëzojë apartamentin social

Nuk arrin dot ta gëzojë apartamentin e dhënë përmes banesave sociale nga bashkia e Tiranës këngëtari i njohur shqiptar Tonin Tërshana. Mësohet se ai ka ndërruar jetë sot në Tiranë në moshën 66 vjeçare. Tërshana ka marrë pjesë në mbi 20 festivale dhe ka fituar katër çmime të para. Ai vuante prej kohësh nga një sëmundje e rëndë. Siç ka pohuar dhe vetë para pak ditësh, Tërshana e humbi banesën e vet në firmat piramidale dhe është detyruar të emigrojë në Greqi për të siguruar jetesën. Mes emrave që përfituan banesa sociale nga ndarjet e para që bëri bashkia e Tiranës, ishte dhe Tërshana.