Sulm ndaj romëve në Francë, tre viktima. Autoritetet, ende të paqarta

Në një ngjarje që deri tani është përkufizuar si sulm ndaj një komuniteti romësh në lokalitetin Roye në veri të Francës së paku tre persona janë vrarë e katër janë plagosur rëndë. Sipas autoriteteve franceze, tre të vrarët janë një burrë, një grua, dhe një fëmijë i vogël. Ndërsa, të plagosurit janë autori i incidentit, dy janë xhandarë dhe një fëmijë. Incidenti ka ndodhur rreth orës 16:30 në një zonë ku qëndrojnë njerëz endacakë. Forca të mëdha policore e ushtarake kanë shkuar në vendin e ngjarjes, ndërkohë që ende nuk janë bërë të ditura zyrtarisht shkaqet e këtij incidenti. Aludimet shkojnë deri në një sulm me sfond racist, por është ende herët për detaje të plota.