"So long jackass”

E gjen në çdo media amerikane. Jon Stewart mbylli programin e tij satirik “The Daily Show” që u kthye në një ndër programet më të ndjekura në ShBA. Dhe madje me shumë ndikim. Në natën finale të Stewart, disa politikanë bënë përshëndetje dhe përmes videove folën për Stewart. Mes tyre ishte edhe “rivali”, kolegu, Bill O’Reilly. Një mesazh e përcolli edhe senatori i njohur i Arizonës, ish-kandidat për President, John McCain. Në një video, McCain ka dalë me një kukull që satirizon Stewart, një përgjigje kjo për kukullën, të cilën Stewart e “shpiku” për të vënë në lojë McCain gjatë fushatës presidenciale: “So long jackass”, përshëndeti McCain. Një mbyllje që do mbahet mend.